كيف تعلمت الخط الانجليزي !؟
مقال شخصي وبدون مقدمات
أذكر وأنا داخلة أول دورة مدفوعة عن (فن الخط الانجليزي) بعد ما كنت ضايعة ومش متأكدة اذا هالدورة تناسبني او لا، المهم اني أتعلم وكلي حماس
كانت الدورة اون لاين واللي تعلمنا اسلوبها وروحها كان جميل، فعلاً فنانة. والمتدربين على مستويات بين المبتدئ والمحترف وهي تشرح اشوف تدريباتهم
معاها، وانا بوقتها كنت قبل المبتدىء ماعندي خلفيه بالموضوع نهائياً
اليوم الأول كان جميل
اليوم الثاني والثالث وأنا أتدرب معاهم، جاني إحباط وقهر وخاصة إني اخذت دورات بالخط العربي.
كنت “أفكر واعتقد” ان عندي خلفية بالخط المفروض يكون سهل، وواجهت صعوبة
بعدين وبعد مدة، اكتشفت شي بالصدفة
وقلت.. اشلووون مادريت!؟
ليش مااحد علمني
لكان اختصرت على نفسي جهد ووقت وفلوس
المهم في هذه المدونة ماراح أفصل عن الصعوبات اللي واجهتني
راح اقول لكم شلون بديت هالدرب؟ وليش اخترت (فن الخط الإنجليزي) بالذات
واذا انا حبيت هالفن، في جمهور يحبه كذلك.. أكيد
لنبدأ
في منتصف 2017 ، كنت أم ، وأم جديدة على التربية وكان الحِمل ثقيل بتربية توأم الله يحفظهم لي.
كنت محتاجة متنفس .. أصبح ضرووري لصحتي النفسية وصحة توأمي وبنفس الوقت كنت ماأقدر أتركهم وأخليهم إلا للضرورة
فكرت بالهروب. بس اشلون!؟
فكرت بالانتحار
لا لا أمزح والله والعياذ بالله 😆😂
قلت مافي الا اني اركز على شغله أحبها أقدر أستمر فيها ويصير لي اسلوب حياة
وبما إني أخذت دورات مسبقا بالخط العربي، بحثت باليوتيوب ذاك الوقت دورات الخط العربي ماكان متوفر نفس الحين
وأنا أبحث فكرت بفن الخط الانجليزي، وبالانجليزي كتبت Calligraphy واذا تطلع لي القنوات والإبداع والجنون اللي تاخذ العقل
وهنا بدأت القصة ♥️ بالمتابعة مع الخطاطين، بدأت أطلب نفس أقلامهم وأدواتهم وأطبق معاهم
تخيلوا يدخل ولدكم الصغير المطبخ وتطلبون منه يطبخ لكم كبسة لحم (اكلتنا الشعبية) ، مستحيل بيعرف
الفنون كلها ومنها الطبخ نبدأ بالسهل كصنع الكيكة الهشة .. نعلمه يصف البسكويت في قاع الصينية على الحليب المحلى وكيف يغمس الشوكولاته ويخلط الكيك
من طحين وسكر وڤانيلا وبقية المكونات صح؟
يصير عند هالطفل خلفية حتى يتهيأ نفسيا” مع تقوية عضلاته كبداية. الطبخ يحتاج وقت وبالخطوات والترتيب
كذلك الخط أو أي مهارة ثانية كالتصوير والكتابة والتسويق كلها مهارات يحتاج وقت وتركيز، طبعا” أنا بديت بدون تأسيس وصرت نفس ذاك الطفل
فكانت البداية كريهه ومش مريحة
ومع الوقت فهمت ترى في أقلام للمبتدئيين وفي اقلام للمحترفين. وبعدين فهمت متى نضغط على القلم ومتى نرخيه.. وبعدين فهمت إن في أقلام فرشاة مرن
وصلب وفي اللي راسهم طويل واللي راسهم قصير والقائمة تطوول
وأخيراً فهمت إن للأحرف الانجليزية كلها نفس القاعدة تقريباً أن لهم نفس الحركات والضربات الرئيسية أيا كان نوع القلم..
وهالشي جن جنوني ! ليش ماعرفت من قبل
وبمجرد ماتفهم وتتقن هذه الأساسيات راح تقفز قفزة بمهاراتك وتتميز بخطك واسلوبك الخاص
احنا قبل لانركض كنا نمشي، وقبل لانمشي، نحبي. كذلك إتقان أي مهارة في أشياء لازم نستعد لها مسبقا” وكل شي ياخذ وقته وحقه
ومن الأشياء الرهيبة والمضحكة اللي عرفتها كذلك
إن مايحتاج يكون خطك حلو عشان تصير خطاط! صدمة، صح؟
عادي حتى أنا انصدمت مثلكم 🙂
وبالنهاية صار عندي مدرب خاص المبدعة Becca علمتني اشلون ادمج كل شكل مع بعض ويصير عندي مجموعة أحرف وكلمات متشابكة بالرسم الصحيح
فهي اللي تقريباً أسستني من الصفر للاحتراف فشكراً لها من الأعماق
رابط موقعها:
غير كثير من الكتب والدورات كمصادر تعليمية أخرى
أذكر لما بدأت أتعلم وبديت أتعمق أكثر وصرت أكثر جدية ، زادت ثقتي بنفسي واللي أسويه أرسله لأمي وأختي حتى لو مليان كلاكيع ( تعرفون شيعني كلاكيع
والا .. ) وأنا سعيدة.. أرجع لتوأمي وحياتي وأنا مشحونة حب ورضا بسبب هالانجاز الصغير
وإذا بعدك تقرا هالمقالة الطويلة، أعتقد لازلت مهتم بالقصة
طيب
وبعد مضي تقريبا” 4 سنوات من المحاولات والتدريبات ، بدأت أفكر مو معقول أنا الوحيدة في العالم اللي تحب هالفن !؟ واللغة مو لغتي!؟ مستحيل
لذلك قررت إني أسوي كورس مجاني للمبتدئيين
(الأشكال الرئيسية، السلسلة الأولى والمجانية)
الكورس ياخذك للأدوات الصح واشلون تستخدمهم وكيف تتدرب على كل ضربة وشكل حتى تتقن هالمهارة صح من البداية
إذا تحب تتعلم مهارة جديدة تميزك عن غيرك. سجل وعط نفسك فرصة وجرب. الكورس مجاني
مصمم لمدة 4 أسابيع، كل يوم شكل جديد لمدة اسبوع.. وبعدها تكرر هالتمارين بنفس الترتيب الى ان تنهي الكورس
كثير من الناس وأولهم أنا نتجاوز هالخطوة المهمة بالكامل (اللي هو الأساسيات)، مستعجلين نبي نتعلم نكتب اسماءنا بطريقة مميزة أسرع شي!
اضغط على الرابط واشترك معنا
وهنا دوراتي المكملة لو حبيت ان تستثمر بنفسك
اذا حابين دورات أكثر وتبون تتعمقون فيه أكثر ردوا على هذا الايميل مباشرة شنو حابين تتعلمون
وفي الختام
أتمنى انكم حبيتوا قصتي وألهمتكم، وضفت لكم فايدة ولو بالقليل
وقت سعيد
أميرة
I believe this is one of the such a lot significant info for me.
And i am glad reading your article. However want to
commentary on some general issues, The site style is wonderful, the
articles is truly great : D. Just right activity, cheers
Good post! We will be linking to this particularly great article on our
website. Keep up the good writing.
I’m really impressed with your writing skills as well as with the
layout on your weblog. Is this a paid theme or did you modify it yourself?
Anyway keep up the excellent quality writing, it’s rare to see a nice
blog like this one nowadays.
Hey! Do you know if they make any plugins to help with Search Engine Optimization? I’m trying to get my blog
to rank for some targeted keywords but I’m not seeing very good success.
If you know of any please share. Thank you!
Hi! I could have sworn I’ve been to this site before but after checking through
some of the post I realized it’s new to me.
Anyways, I’m definitely happy I found it and I’ll be bookmarking and checking back
often!